Urko De La Torre eta Ian Blanco: zintzotasuna eta ikaskuntza industria-ekintzailetzan

Inspirazioz betetako hitzaldia On Ekin Sariak 2025 ekitaldiaren barruan

Bihar aukera izango dugu Urko De La Torre eta Ian Blanco entzun eta ezagutzeko. Biak dira ADI Revolution eta Insólito proiektuen sortzaileak: Euskaditik abiatuta, industria munduko marketing digitala eta berrikuntza teknologikoa ulertzeko modua eraldatzen ari diren bi ekimen.

ADI Revolution B2B eta industria sektoreko marketing digitaleko aholkularitza da, eta Insólito berriz, produktu digitalen laborategi bat (SaaS), non inpaktu handiko soluzioak sortzen, lankidetzan garatzen eta inbertitzen dituzten.

Ia hamar urte daramatzate elkarrekin lanean, baina duela hiru urte hartu zuten ekiteko erabakia: lehen behartuta, gero konbentzimenduz.

Eibarrekiko duten harremana estua da, profesionala ez ezik, pertsonala eta familiakoa ere bai.

Hitzaldiaren inguruan aurreratu digute oso argi dutela mezua:

“Ez gara motoak saltzera etorriko. Zintzotasunez kontatuko dugu bizitakoa: onak eta txarrak, ospakizunak, baina baita hutsak, sustoak eta ikaskuntzak ere.”

Beraz, industria-sektoreko ekintzailetzaren benetako aurpegia ezagutzeko aukera paregabea izango da: berrikuntza eta teknologia gako diren garai honetan, faktore humanoak oraindik ere aldea egiten baitu.

📍 Lekua: Errebal Plaza, Eibar
🗓️ Noiz: Urriaren 30ean, osteguna – On Ekin Sariak 2025 ekitaldiaren barruan
🎤 Hizlariak: Urko De La Torre eta Ian Blanco, ADI Revolution eta Insólito-ko sortzaileak

Etorri zuzenean hitzaldia entzutera

Ez galdu aukera bi ekintzaile hauen esperientzia gertutik ezagutzeko eta benetako inspirazioa jasotzeko.

👉 Eman izena On Ekin Sariak 2025ean eta parte hartu jardunaldi berezi honetan:
https://forms.gle/PQRZxF7Qn9YLYoM99