Ekinguneren Pintxopote+1 ekimenak ekintzaileak, autonomoak eta enpresa txikiak bildu zituen berriro ere Eibarren, ideiak, networking-a eta giro bikaina nagusi izan ziren edizio berri batean.

Autonomo eta enpresa txikientzako fiskalitatea, dramarik gabe Topaketa NU3A Open Hub gunean egin zen, eta Borja Sarasquetaren (Somos Asesores & Hidalgo Abogados) esku-hartzearekin hasi zen. Berak, modu praktiko eta hurbilean, autonomo eta enpresa txikientzako fiskalitateari buruzko hainbat gako partekatu zituen.

Hitzaldian zehar, honako gai hauek landu ziren:

• Ticket Bai.
• Zerga-betebeharrak.
• Gastu kengarriak.
• Jarduera-altak.
• Autonomo izatetik sozietate izatera pasatzeak noiz izan dezakeen zentzua.

Eguneroko ohiko zalantzak argitzera eta ekintzaileei beren proiektuetarako erabaki hobeak hartzen laguntzera bideratutako saioa izan zen.

Ondoren, Komedia Fest jaialdiaren bultzatzaile den Nacho Pradoren txanda izan zen. Berak kontatu zigun nola sortu zen Euskadiko lehen umore-jaialdiaren ideia, eta nola joan den hazten proiektua erreferentziazko ekimen kultural bihurtu arte.

Jaialdia sortzeko prozesuari buruzko pasadizoak eta esperientziak partekatzeaz gain, hurrengo edizioko zenbait berrikuntza aurreratu zituen, eta aurten parte hartuko duen artistetako bati buruzko pista txiki bat ere eman zuen.

Jardunaldia, Pintxopote+1 ekimenean ohikoa den bezala, aurkezteko, esperientziak partekatzeko eta Debabarreneko nahiz inguruetako ekintzaileen artean konexioak sortzen jarraitzeko gune informalago batekin amaitu zen.

Duela urte batzuetatik, Ekingunek afterwork formatu honen aldeko apustua egiten du, eskualdean networking-a bultzatzeko eta komunitate ekintzailea sortzeko modu desberdin gisa. Izan ere, Pintxopote+1 elkartearen barruan hazkunde handiena izan duen ekimenetako bat bihurtu da.

Askotan, aukerarik onenak elkarrizketa bat, ideia bat… edo pintxo bat partekatuz besterik ez direlako hasten.