ON EKIN 2020 KRONIKA
Aurtengo ON EKIN edizioa, Ekingunetik urtero negozio-ideia berritzaileei ematen dizkiegun sariei dagokiona, COVID-19aren pandemiak markatu du.
Hori dela eta, ekitaldia egin ahal izateko, formatua berrasmatu behar izan dugu eta joan zen urriaren 22an antolatu genuen, aurrez aurre (une hartako edukiera-muga errespetatuz) eta streaming bidez, ekitaldia ikusteko eta online parte hartzeko interesa zuen pertsona orok egin ahal izateko. Aurten, zoritxarrez, bertan behera utzi behar izan dugu urteroko afaria ere, beti gozatu izan dugun itxiera-ekitaldia, non askotan, pertsona ekintzaileen arteko sinergia oso interesgarriak sortzen diren.
Ohiz kanpoko edizioa izan arren, Ekingunen oso pozik gaude egon den parte-hartzearekin. Izan ere, 15 proiektuk aurkeztu dituzte euren ON EKINerako hautagaitzak eta guztien kalitatea aipagarria izan da. Proiektu berritzaileak izan dira, gehienek oinarri teknologiko eta digitala eta gizarte-balio sendoak izan dituzte, eta besteak beste, gizarte-mailako behar berriak artatzeko eta balioa eransteko helburua erakutsi dute.
ON EKIN 2020 sarien proiektu irabazleak honako hauek izan dira:
1.go saria, 2500 €: ScrapAd. Hondakin industrialak salerosteko plataforma adimentsua.
2. saria, 1000 €: LeanStocks. Makina-erreminta saltzeko marketplace bat.
3. saria, 300 €: Anfibium. Enpresen mugikortasun jasangarrirako softwarea.
Sariak Innobide-ko Sergio Gonzálezen “Nuevos Modelos de Negocio en la Industria 4.0” (4.0 industriako negozio-eredu berriak) hitzaldiaren ondoren banatu ziren. Hirugarren saria Mariella Saitzek banatu eta babestu zuen, Eibarko AXAko agente bakarrak; bigarrena Alberto Albisteguik eman zuen, Eibarko Udaleko zinegotziak, eta lehenengo saria Marina Crucelaeguik banatu zuen, Kaxako kideak, ON EKINen aurreko edizioko proiektu irabazlea.
Ekitaldia Leticia Gomezek aurkeztu zuen eta Streaming bidez eman zen, Ikusten Ikus-entzunezko Zerbitzuak taldekoei esker. 60 pertsona baino gehiagok parte hartu dute, bai online, bai aurrez aurreko saioan. Gaur egungo egoera kontuan izanik, harro egotekoa da Debabarrena eskualdean pertsona ekintzaileen komunitate horren aktiboa ikustea, non elkarri laguntzen dioten.
Ezin ditugu aipatu gabe utzi parte hartu duten gainerako proiektuak ere, ekimen oso interesgarriak eta berritzaileak izan dira eta hurbiletik jarraituko ditugu:
GO GORPUTZA ETA OSASUNA. Entrenamendu pertsonalerako hezkuntza-zentroa.
ESCAPE BASK. “Scape” esperientziak eta aire libreko turismoa ezusteko bi lekutan.
WINERS. Ardoaren kulturaren sustapena, enoturismoko jarduerak eta esperientziak merkaturatuz eta online salduz.GIGIL DESIGN STUDIO Produktuak, bitxiak, moda-osagarriak eta dekorazioa diseinatzeko estudioa.
COBIZI Bakarrik bizi diren pertsonentzako gizarte-berrikuntza.
URITE Aholkularitza gastronomiko integrala eta espezializatua.
GUGAN Ikasleen arteko elkarbizitzan kontzientzia feminista bultatzeko egokitutako dinamiken lanketa.
HISTORIAS DE VALOR Marketin digitalerako eduki baliotsuen garapena.
CORO CANO ESTILISTA Estilismo eta ile-apainketaren etxez-etxeko zerbitzua, arreta pertsonalizatuarekin eta ezkontzetan espezializatuta.
KEYBARAN SYSTEM. Dutxaontzi lau-laua fabrikatzeko eta ezartzeko sistema berria.
ANOTHER MANAGEMENT. Modako kanpainen Ekoizpen Agentzia.
LUNA YOGA. Emakumeak ahalduntzera bideratutako yoga integrala eta feminista.
Eskerrik asko urtero ON EKIN ospatu ahal izatea ahalbidetzen duzuen pertsona guztiei eta parte hartzen duzuen pertsona ekintzaile guztiei, zuen ausardia eta adoreagatik. Datorren urtera arte!
Ekitaldiaren bideo osoa ikusi nahi? Hemen ikus dezakezu:
